Украина нагласи дека навлегувањето на руските камиони со хуманитарна помош на нејзина територија е очигледно нарушување на меѓународното право и ја повика меѓународната заедница да ги осуди активностите на Русија како нелегални и агресивни.
Украинското Министерство за надворешни работи истакна дека на колоната возила не и било дадена дозвола за влез, но сепак и било дозволено да ја премине границата, со цел да се избегнат идни провокативни дејствија.
Киев претходно посочи дека Русија извршила директно навлегување на руска територија, испраќајќи конвој во источна Украина.
– Ги повикуваме сите меѓународни партнери да се обединат во одлучна осуда на руските незаконски и агресивни акти, нагласи Министерството.
– За да ги избегнеме евентуалните провокации ги дадовме сите неопходни наредби за безбедно преминување на конвојот, се додава во соопштението.
Според украинската погранична служба 145 камиони ја преминале границата од Русија во 10:30 часот според Гринич.