Началникот на украинските служби за безбедност ја обвини Русија за „директна инвазија“ откако Москва одлучи конвојот со хуманитарната помош да влезе на територијата на Украина без да биде проверен.
– Тоа е директна инвазија. Станува збор за воени возила под цинично покритие на Црвениот крст, изјави шефот на Службата за безбедност на Украина, Валентин Наливајченко.
Портпаролот на украинскиот Совет за национална безбедност и одбрана Андриј Лисенко истакна дека одговорноста за безбендоста на конвојот со хуманитарна помош ја сноси Русија.
– Украинската страна предложи преговори со Русија, но Русија одби. Повторувам, дека одговорноста за безбедноста ја сноси Русија, посочи Лисенко.
Тој додаде дека рускиот конвој со хуманитарната помош се движи на територијата на Украина без придружба на Меѓународниот комитет на Црвениот крст и оти тоа е прекршување на постигнатиот договор за инспекција и регистрација на руската хуманитарна помош.