По налог на украинската Влада, од три украински градови – Киев, Дњепропетровск и Харков – на истокот на земјата тргнале 71 камиони со речиси 800 тони хуманитарна помош за граѓаните на Луганск и Доњецката област, изјави портпаролот на украинскиот Совет за национална безбедност Андриј Лисенко.
Тој додаде дека хуманитарните конвои кои тргнале од Харков и Дњепропетровск веќе пристигнале во Старобилската и Луганската област, како и оти се очекува дека и конвојот од Киев наскоро да пристигне на своето одредиште.
Хуманитарната помош ја сочинуваат храна, вода, медицински материјал, производи за хигиена, како и други производи неопходни за граѓаните на источна Украина.