Украинската армија уништила поголем дел од руска колона оклопни возила што навлегла синоќа во државната територија, соопшти Кабинетот на украинскиот претседател.
Кабинетот додава дека претседателот Петро Порошенко за тоа разговарал со британскиот премиер Дејвид Камерон. Тој го уверил дека голем дел од колоната била уништена ноќеска од страна на украинската артилерија.
– Украински војници влегоа во судир со руска воена колона што навлегла во државата, и дел од неа веќе не постои, изјави украински воен портпарол.
Веднаш реагираа од Министерството за одбрана на Русија од каде посочија дека никаква воена колона ниту влегла во Украина, а уште помалку дека била уништена од страна на украинската војска.