Украинскиот министер за внатрешни работи Арсен Аваков денеска изјави дека Киев нема да пушти никаков руски конвој во источни региони од земјата и додаде дека „провокацијата на циничниот агресор ќе биде блокирана“.
– На никаков хуманитарен конвој на Путин нема да му биде дозволено да прејде на територијата на Харковскиот регион, напиша украинскиот министер за внатрешни работи на својот профил на Фејсбук.
Тој наведе дека „провокацијата на циничниот агресор нема да биде дозволена“ на територијата на Украина.