Украинскиот Совет за национална безбедност и одбрана (СНБО) побара од жителите на Доњецк и на Луганск да ги напуштат градовите преку коридорите кои ги формираа украинските војници.
– Им се обраќаме на цивилите со повик привремено да ги напуштат градовите, бидејќи таму ќе се спроведе операција за нивно ослободување и уништување на терористите, изјави претставникот на СНБО, Андреј Лисенко.
Тој наведе дека украинските безбедносни сили се подготвени максимално да му помогнат на локалното населени кое ќе одлучи привремено да ги напушти Доњецк и Луганск.
– Подготвени сме да обезбедиме превоз за луѓето, истакна Лисенко.