Високиот комесаријат на ОН за бегалци УНХЦР, соопшти дека вкупно 230.000 лица ги напуштиле своите домови поради судири помеѓу украинските и проруските сили на исток на Украина.
Портпаролот на агенцијата на ОН за бегалци, Ден Мекнортон вели дека бројот на раселените кои се евакуирале во други украински региони, сега изнесува 100.000 додека 130.000 лица избегале во Русија.
-Тие главни се од регионите на Луганск и Доњецк. Бројот е зголемен во последните неколку недели-рече тој и додаде дека последните податоци се однесуваат на 18-ти јули.
Како што пренесе „Франс прес“ тој смета дека постојат повеќе причини поради што цивилите бегаат од зоната која што е зафатена со судири, но дека главна причина е да не се најдат помеѓу вкрстен оган, пренесе „Франс прес“.
Инаку од крајот на јуни кога УНХЦР, последен пат објави податоци за бегалците во Украина, бројот на раселени, кој тогаш изнесуваше 54.000, речиси двојно се зголеми и изнесуваше 110.000 лица.
Е. Г.