Украинската армија воспостави контрола врз градот Лисичанск во Источна Украина, се наведува во соопштението од кабинетот на украинскиот претседател Петро Порошенко.
Во соопштението се посочува дека армија поставила украинско знаме над општината во Лисичанск.
Градот има 105.000 жители и се наоѓа на 90 километри северозападно од Луганск, каде во последните 24 часа две лица загинаа, а седуммина се повредени во борбите меѓу сепаратистите и армијата.
Во Доњецк, вториот обласен центар кој е под контрола на бунтовници, еден маж загина, а две жени се повредени.