Холандското обвинителство започна првична истрага за наводното соборување на малезискиот авион во четвртокот во Украина, при што загинаа сите 298 патници, од кои повеќето холандски државјани.
– Согласно законот, усвоен пред неколку години, Холандија може да води истрага за воени злосторства, дури и за оние кои се извршени во странство, доколку меѓу жртвите има холандски државјани, објасни портпарол на Обвинителството.
Холандски експерти денеска вршат обдукција на телата на жртвите во украинското гратче Торез и го истражуваат местото на трагедијата.