Загубите на украинската армија во жива сила за време на борбите во источна Украина во последната недела изнесуваат најмалку илјада војници, изјави за ИТАР-ТАСС еден од лидерите на т.н. „Народен фронт на Новорусија“ од Доњецк, Константин Долгов.
Тој додаде дека, според проверени податоци, во мртовечниците на градот Харков има „не помалку од 4.000 трупа“, а за последните седум дена нивниот број се зголемил за илјада.
Портпаролот на украинскиот Совет за безбедност и одбрана, Андриј Лисенко, во Киев изјави дека по завршувањето на воените дејствија во источните региони на земјата долж границата со Русија ќе биде крената бетонска ограда.
Во интервју за ТВ каналот Си-Ен-Ен, украинскиот министер за внатрешни работи, Павло Климкин, изјави дека не очекува „војна со Русија“.