Седум цивили загинаа меѓу кои и петгодишно девојче откако украински авиони бомбардираа село на 20 км. од Лугањск. Во нападот врз селото Старај Кондрашевка ранети се осум луѓе, изјави заменик командант на специјален батаљон за една украинска тв-станица додавајќи дека бомбардирањето било грешка на пилотот.
Тој додава дека селото најверојатно се наоѓало меѓу сили на самопрогласената Лугањска народна република и украинската армија.
Шефот на Лугањската регионална администрација Валери Голенко тврди дека во нападот имало 12 загинати и десетици ранети. Украинските погранични власти денеска соопштија дека руски борбени хеликотери во неколку наврати го нарушиле украинскиот воздушен простор.