Украинското Министерство за одбрана соопшти дека синоќа при обид за слетување на аеродром во градот Дњепропетровск, се урнал воен авион Сухој Су-24.
-Авионот „Су-24“ во тек на летот над Доњецк, се најде пред удар на оган од вкупно четири проектили од видот Манпадс. Еден од проектилите го погоди авионот, што предизвика пожар кај моторот. Пилотот успеа да ги сопре моторите, да го изгасне огнот и да го уништи противавионскиот лансер, кој го погоди- рече портпаролот на украинската антитерористичка операција (АТО).
Тој додаде дека пилотот ги презел сите мерки за слетување, но бидејќи авионот ја изгубил способноста за контрола, тој бил принуден да се катапултира.
Е. Г.