Неколку стотици луѓе се собраа денеска пна протестен митинг пред зградата на претседателскиот Кабинет во Киев, од кој побараа шефот на украинската држава Петро Поропенко да го прекине примирјето во источниот дел на Украина.
Како што јави ИТАР-ТАСС, меѓу учесниците на собирот имало и голем број припадници на воениот баталјон „Донбас“, кој е составен од доброволци.
На собирот, чиј иницијатор бил командантот на баталјонот „Донбас“, Семон Семонченко, беше прочитан „апел од името на Украинците“ до Порошенко во кој се бара прекин на примирјето, воведување на воена состојба во Украина, преземење неопходни воени мерки за „ликвидирање на терористите“ и покренување иницијатива пред ЕУ и САД за воведување на „трета фаза од санкциите кон Русија“.