Проруските сепаратисти денеска кај градот Славјанск урнаа хеликоптер на Военото воздухопловство на Украина, соопшти портпаролот на украинската армија Владислав Селзељов.
Тој нагласи дека при уривањето на хеликоптерот загинале тројцата членови на екипажот на леталото и шестмина патници. Хеликоптерот бил урнат со ракета истрелана од противтенковски рачен ракетен фрлач.
Нападот е извршен само еден ден откако лидерите на проруските сепаратисти синоќа прогласија прекин на огнот до 27 јуни.
Претходно, украинскиот претседател Петро Порошенко обвини дека сепаратистите на го почитуваат примирјето и дека во текот на минатата ноќ и претладнево извршиле неколку напади во кои загинал еден украински војник.