Украинскиот претседател Петро Порошенко вечерва го претстави мировниот план за источна Украина за време на првата работна посета во донбас.
Планот содржи 15 точки, кои предвидува „гаранции за безбедноста на сите учесници во преговорите, нивна амнестија, ако го положат оружјето и не извршат тешки злосторства и ги ослободат заложниците“.
Во мировниот план е предвидено и формирање на 10-километарска тампон-зона на руско-украинската државна граница.
Предвидено е „евакуација на незаконски вооружените групи, создавање на коридор за повлекување на руските и украинските платеници и разоружување“. Според предлогот на Порошенко треба да бидат ослободени „незаконско заземените административни згради во Доњецката и во Луганската Област“, како и да се воспостави „локалната власт и да се обнови емитувањето на централната телевизија и радио во Доњецката и во Луганската Област“.
Документот содржи и чекори за „децентрализација на власта (преку избор на извршни комитети, заштита на рускиот јазик и предлог за измени на Уставот).
– Кандидатурите на раководителите во регионалната држвна администрација ќе се усогласуваат со претставниците на Донбас, се истакнува во предлогот на Порошенко.
Планот предвидува и „спроведување на предвремени локални и парламентарни избори“, какои „програма за создавање на работни места во регоионот и изградба на индустриски објекти и инфраструктура“.
Кремљ предлогот на украинскиот претседател за едностран прекин на огнот го оцени како ултиматум, додавајќи оти во него нема понуда за почеток на разговори со сепаратистите во источна Украина.
Според нив планот на Порошенко е соопштен „со намера или случајно“ во момент кога украинските сили пукаат врз руска територија во близина на границата. При што е повреден еден руски цариник.
– Според првична анализа за жал се покажува дека тоа не е покана за мир или преговори туку ултиматум… Се уште отсуствува главниот елемент – предлог за отпочнување преговори, се истакнува во соопштението на Кремљ.