Двајца новинари од руската телевизија „Ѕвезда“ се задржани во југоисточна Украина, што е втор таков инцидент, во кој се вклучена оваа руска телевизија.
Раководството на телевизијата успеа да воспостави контакт со Јевгениј Давидов и Никита Конашенко, кои украинските сили за безнедност ги задржале на граничниот пункт во Покровској, по што се префрлени во Днепропетровск, јави ИТАР-ТАСС.
Од телевизијата упатија апел до украинскиот претседател Петро Порошенко за ослободување на новинарите.
На 6 јуни новинарите од „Ѕвезда“, Андреј Сушенов и Антон Малипев, кои пристигнаа во Украина за да известуваат за инаугуарацијата на Порошенко беа задржани, а потоа ослободени.