Во населбата Счастје, кај Луганск околу сто лица загинаа во изминатите 24 часа, изјави денеска претседателот на Луганската Народна Република, Валериј Болотов, јави Танјуг.
Тој истакна дека украинските војници, откако ја презеле контролата врз населението почнале да пукаат кон цивилите, од кои повеќето мажи.
Болотов нагласи дека украинската армија се обидува да ги отсече силите за самоодбрана од границата со Русија.
– Киевската хунта го стега обрачот околу Луганската Народна Република. Агресорот се обидува да не отсече од границата, рече Болотов.
Тој додаде дека тоа ќе создаде проблем при евакуацијата на бегалците.