Фудбалерот на Атлетико Мадрид, Коке, рекол дека својата иднина ја гледа во редовите на шпанскиот првак, иако за неговите услуги се заинтересирани Манчестер Јунајтед, Барселона и Челзи, пренесе Макфакс.
„Мојата иднина е поврзана со Атлетико. Среќен сум тука, имам важечки договор, не размислувам да заминам од клубот“, рекол Коке.
Договорот на шпанскиот репрезентативец истекува во 2018 година, тој минатата сезона одигра 57 натпревари и постигна седум голови.
Коке истакнал дека во моментов единствено е фокусиран на своите настапи за шпанската селекција, која на Мундијалот во Бразил ќе ја брани титулата.
„Сонот ми е да ја одбраниме титулата, колкава минутажа ќе имам зависи од селекторот. Дојдов во репрезентацијата за да учам од играчи какви што се Чави и Иниеста“, дополнил Коке.