Швеѓанецот Златан Ибрахимовиќ ретко дели комплименти за нечија игра и затоа кога ќе каже пофални зборови за некој играч, веднаш привлекува внимание.
Тој за Sports Illustrated не можеше да издвои доволно пофални зборови за бразилскиот феномен Роналдо.
Светот никогаш повторно нема да види талент како популарниот „Ел Феномено“.
„Најдобриот играч против кој сум играл во кариерата? Сум играл против многу, многу добри играчи, така што не знам кого да посочам. Но, би рекол Роналдо, „Ел Феномено“. Зошто? Затоа што беше мој идол и затоа што беше комплетен играч. Според мене, никогаш нема да се појави подобар играч од него“ – вели Ибрахимовиќ.