Аргентинската фудбалска репрезентација која се подготвува за настапот на претстојниот Мундијал, ноќеска со убедливи 3:0 го совлада Тринидад и Тобаго, иако според шансите победата можеше да биде со многу поголема разлика.
Откако Лионел Меси и Лавеци не реализираа неколку убави шанси, Родриго Паласио во судиското надополнување од првото полувреме го отвори резултатот. Хавиер Маскерано во 51.минута зголеми на 2:0, а конечниот резултат го постави Макси Родригез во 64.минута.
Ноќеска покрај Аргентина уште две репрезентации од Јужна Америка забележаа победи на пријателски натпревари во рамките на подготовките за Светското првенство во Бразил кое почнува за седум дена. Уругвај со 2:0 ја совлада Словенија, додека Чиле со истиот резултат беше поуспешен од Северна Ирска 2:0.
На последниот пријателски ноќешен дуел Брегот на Слоновата коска го победи Салвадор 2:1.