Украинската војска соопшти дека нејзините сили во Луганск го напуштиле контролниот пункт, бидејќи останале без муниција поради десетчасовна борба со проруските сили.
Во соопштението се наведува дека во текот на тие борби загинале шест припадници на проруските сили, а повредени се тројца украински војници, пренесе „Асошиејтед прес“.
Борбите на исток на Украина ескалираа по претседателските избори, кои се одржаа на 25 мај, на кои победата ја однесе Петар Порошенко.
Повеќе стотици бунтовници во понеделник започнаа офанзива врз базите на украинската војска во предградијата на Луганск, користејќи автоматско оружје и гранати.
Е. Г.