Рускиот комесар за права на децата, Павел Астахов ја повика Владата на Русија да обезбеди засолниште за украинските семејства со деца од областите на југоисточниот дел на Украина, каде што имало судири.
– Добив голем број барања од руски државјани, чии роднини, кои се граѓани на Украина, се наоѓале во областите на воените активности во југоисточниот дел на земјата каде што се води братоубиствена војна. Тие побараа помош нивните роднини со деца да бидат евакуирани на руска територија, порача Астахов.
Тој, исто така, испрати телеграми до министрите и гувернерите на регионите кои се граничат со Русија, барајќи од нив да ги решат сите формалности за организирање на евакуација, премин на границата и обезбедување легален статус за овие семејства во Русија.