Проруските сили во Украина утринава потврдија дека ги притвориле набљудувачите на ОБСЕ.
Самопрогласениот „народен градоначалник“ на градот Славјанск Вјачеслав Пономарев изјави дека неговите борци држат четворица набљудувачи на ОБСЕ.
Пономарев истакна дека набљудувачите се безбедни и најави нивно брзо ослободување. Тој не изнесе никакви услови за нивно ослободување.
Рускиот амбасадор во ОН Виталиј Чуркин потврди дека има еден руски граѓанин меѓу едната група набљудувачи на ОБСЕ.
Претседателот на Швајцарија и шеф на ОБСЕ Дидие Буркхалтер остро го осуди задржувањето на набљудувачите во источниот дел на Украина нарекувајќи го „чин на саботажа“ и повика за нивно моментално и безусловно ослободување.