Двострани преговори меѓу Украина и Русија, по се изгледа не се можни, без во нив да учествуваат САД и Европската унија, изјави на денешната владина седница украинскиот премиер, Аресинј Јацењук.
Тој дополни дека во сите украински министерства се воведува нова функција – заменик министер за евроинтеграција.
Тој уште пред министрите рече дека доколку до 29 мај Киев и Москва не постигнат договор за прашањето околу испораката на гас, Украина и рускиот Гаспром ќе се сретнат на Стокхолмската арбитража.
– Украина нема ништо да плати за руската достава на гас ако двете страни не се договорат за враќање на претходната цена – 268,5 долари за илјада кубни метри, изјави пред владината седница министерот за финансии, Олександар Шлапак.
– Подготвени сме да платиме откако тие ќе ни ја потврдат однапред цената на гас. Сегашниот предлог не ни одговара – „платете па после ќе почнеме да разговараме“ појасни министерот според кого за ова прашање се неопходни преговори со Москва.