Најбогатиот Украинец денеска се зарече дека ќе продолжи битката против сепаратистите, откако проруски бунтовници во градот Доњецк, во источна Украина, најавија дека ќе го национализираат неговиот имот, јави ДПА.
Рударско-металуршкиот магнат Ринат Ахметов изјави дека уште луѓе ќе се изјаснат против сепаратистите, обвинувајќи ги дека се однесуваат како дивјаци. – Тие се натрапници, што го земаа целиот регион Донбас за заложник и го тероризираат, истакна Ахметов во видео-запис, објавен од неговата компанија со седиште во Доњецк.
Ахметов ги обвини сепаратистите дека ги спречил неговите работиници масовно да излезат на протести, по неговиот вчерашен повик. – Знам дека многу повеќе сакаа да протестираат, но беа заплашувани со пиштоли и автоматски пушки, истакна тој.
Олигархот Ринат Ахметов се смета за највлијателен човек во Украина. Тој неочекувано застана зад властите во Киев на почетокот на неделата.