Флаширана вода, средства за хигиена, конзервирана храна, облека за бебиња и обувки донираат жителите и компаниите од општина Богданци за загрозените краеви од поплавите во Србија и Босна и Херцеговина.
Пунктот за достава на донациите до вечер ќе биде поставен пред зградата на општина Богданци каде што граѓаните донираат помош во рамки на своите можности.
Поголеми количини конзервирана храна, вода за пиење, хигиенски средства и тестенини беа собрани и во донаторските акции кои се организираа во населените места Стојаково, Селемлија и Ѓавото.