Европската унија очекува дека Украина и Русија ќе постигнат договор за гасот до крајот на овој месец, изјави денеска претседателот на Еврокомисијата, Жозе Мануел Барозо на заедничка прес-конференција со украинскиот премиер Арсениј Јацењук.
– Ние сме подготвени за пазарен пристап и Русија треба да прекине да го користи природниот гас како нов вид на оружје, истакна Јацењук.
Тој додаде дека за помалку од 20 дена Украина ќе покрене процес за долговите за гас пред Стокхолмскиот суд, доколку Русија не го реши ова прашање под пазарни услови.