Вршителот на должност претседател на Украина Олександр Турчинов го осуди вчерашниот референдум за независност на Доњецката област и Луганск и го нарече нелегална фарса.
Според него, тоа е фарса која ја инспирирала Русија за да ја дестабилизира Украина и да го урне раководството во Киев.
Тој изјави дека изборите на кои, како што рече „проруски бунтовници“ прогласиле мнозинско гласање за прекин на врските со Киев, нема легални консеквенци за Украина.
Проруските сили во регионот на Доњецк прогласија победа на референдумот одржан во неделата, откако 89 отсто од избирачите гласаа за независност, додека десет проценти беа против.