Со зголемување на омразата и судирите, на Украина и се закануваа судбината на поранешна Југославија, смета Никола Игњатовиќ, фудбалер на Зорја, кој престојува во регионот Луганска.
-Во Луганска до пред три дена имаше улични борби, пукотница и скршени автомобили. Сега е мирно но доаѓа најкритичниот ден, 11 мај. За недела е закажан референдум на кој ќе се донесе одлука, дали ќе се одлучи за приклучување на Русија или ќе се прогласи покраина. Сите се надеваме дека на 25-ти мај, за време на претседателските избори, состојбата ќе се смири. Во градот се помалку има гориво на бензинските пумпи, а најпознатата украинска банка Дивет ги повлече сите пари од банкоматите и ги однесе во Киев, вели Игњатовиќ.
Тој наведува дека не верува во мирно решавање на кризата и дека прашање на времето е кога ќе започне војната.
Инаку Луганска се наоѓа во најисточната област во Украина и претставува важен индустриски центар.
-Сите 430.000 жители сакаат парите кои што ќе ги заработат да останат кај нив, во источниот дел, а не да одат во Киев. Може да се рече дека голем процент на економската состојба во Украина, зависи од исток. Не верувам дека ќе се одвои како Крим, но на пат се да добијат своја покраина- смета српскиот фудбалер.
Е. Г.