И покрај ембаргото, Албанија, сепак, испорачувала оружје и муниција за Либија. За тоа дека Албанија во 2011 година испорачувала оружје во Бенгази сознанија имала и американската администрација. Ова за медиумската мрежа „The Blaze’ го потврдија повеќе извори, во рамки на истражувањето за транспортот на оружје за Либија на кое се повикува тиранската телевизија Топ-чанел.
Во написот под наслов „Во тајниот свет на еден американски трговец со оружје“ се наведува дека на 11 септември 2011 година авион транспортер од Албанија пристигнал во Бенгази натоварен со 800.000 парчиња муниција, од, како што стои, големите резерви на Албанија.
„Авионите од Албанија, што имале товар и од Украина, летале во правец на Либија, земјата што во тој момент беше зафатена од војна, независно од ембаргото на оружје, а американската администрација беше свесна за тоа, се наведува во написот.