Руските медиуми веќе објавија дел од учесниците во вчерашното убиство на најмалку 42 проруски следбеници во Домот на синдикатите во Одеса.
Шефот на полицијата во Одеса повика на смирување на ситуацијата, а портпаролот на рускиот претседател Владимир Путин изјави дека Русија нема повеќе никакво влијание на Русите во Украина.
Претседателот на самопрогласената република Одеса, Валериј Кауров во интервју за РТ кажа дека радикално расположени екстремисти го нападнале кампот на приврзаниците за федерализација, по што тие биле принудени да побараат спас во зградата на Домот на синдикати.
Според него, центарот на Одеса бил уништен, кога упаднале околу 5000 радикали кои биле вооружени со молотови коктели и калашњикови. Околу 300 проруските активисти беа принудени да се затворат во зградата на регионалниот синдикат за да се заштитат.
-Меѓутоа радикалите почнаа на зградата да фрлаат со молотови коктели и со шок бомби, пуштија гас. Луѓето внатре немаа ниту заштитни маски, ниту оружје. Првото противпожарно возило стигна за половина час, а радикалите го спречуваа да го изгаси пожарот.
„Руси горете“, викаа кон нашите луѓе. Тие ги опколија сите противпожарни возила и скалите со кои пожарникарите ги симнуваа нашите луѓе, рече тој. Луѓето живи гореа, не дозволуваа да ги спасат. Меѓу заробените на покривот на зградата имаше и жени и девојки, а тие што излегоа од зградата им дозволија на радикалите да ги растргнат. По десетици радикали се впуштаа на еден човек да го тепаат, рече Кауров.
