Самопрогласениот градоначалник на источноукраинскиот град Славјанск Вјачеслав Пономаров ги повика децата, жените и пензионерите да не ги напуштаат домовите, а мажите – да укажат помош на доброволците во одбрана на градот, кој е под опсада од украинската армија.
– Нашиот град беше нападнат, нашиот град е опколен, имаме загуби, изјави тој во видео порака.
– Ние ќе го задржиме градот, ние ќе победиме, изјави Пономаров.
Обраќањето на Пономаров уследи откако на излезите од градот локални жители почнаа да формираат живи штитови, за да не ги пропуштат колоните на украинските сили.
На други места жителите водат преговори со војниците, обидувајќи се да не учествуваат во операцијата, која почна утрово.