Во организација на музичкиот фестивал Тралала од Битола, во периодот од 23-28 април извонредно харизматичната Битолчанка Ана Гаштарова учествуваше на фестивалот Еуро старс на Малта, како единствен претставник од Македонија и во многу тешка конкуренција на пејачи од цела Европа го освои второто место, изведувајќи ги песните Fallin и Hay amores.
За нејзините изведби таа доби овации, а беше поканета да учествува на други три реномирани фестивали во текот на оваа и следната година. (Словенија, Бугарија и Полска).
Директорот на фестивалот Тралала, Тони Алексовски исто така беше презадоволен од настапите на Ана, а како доказ за тоа колку извонреден фестивал е Тралала и какви пејачи вади, тој веќе доби пријави од повеќе земји (Литванија, Романија, Малта, Полска, Словенија, Португалија, Бугарија, Хрватска, Шведска…) за учество на овогодинешниот фестивал во август.