Со полагање цвеќе пред бистата на патронот на Општинското основно училиште „Дедо Иљо Малешевски“ во Берово започна чествувањето на името и делото на војводата Иљо Марков (Малешевски).
Со пригодни зборови за ликот и делото на овој борец од Малешевијата за македонската кауза пред присутните на прославата се обратија директорката на училиштето Наташа Аврамска и градоначалникот на Берово, Драги Наџински.
Во културно-уметничката програма со рецитал за својот патрон се претставија членовите на рецитаторската секција, а свој настап имаа и дрмаската и музичката секција.
Покрај големиот број гости на чествувањето присуствуваше и делегација од Основното училиште „Димитар Беровски“ од Скопје.
Прославата попладнево продолжува со спортски натпревари.