Украина ќе предложи Русија да биде исклучена од црноморската Оперативна група за воена поморска соработка (Блексифор), јави денеска ИТАР-ТАСС, повикувајќи се на иеименуван воен дипломатски извор во Москва.
Тој тврди дека Киев ваквото барање ќе го упати на седница на Групата на експертско ниво, што треба да се одржи во средината на мај во бугарскиот град Варна. Истиот извор истакнува дека Украина како причини за барањето ќе наведе дека Русија прави „систематско прекршување“ на Договорот од 2001 година за создавање на Оперативната група.
Можно е Киев да ја обвини Русија и дека се обидува да доминира со „Блексифор“ и оти ја нарушила територијалната целовитост на две нејзини земји-членки – на Грузија во 2008 и на Украина во март годинава.