Босанскиот министер за безбедност Фахрудин Радончиќ денеска беше разрешен од фунцијата, поради тоа што не успеал да го спречи насилството за време на протестите во февруари, кои беа организирани против корупцијата и невработеноста.
Иницијативата за смена на Радончиќ, кој е лидер на Сојузот за подобра иднина на БиХ (СББ), поради насилството во кое беа повредени неколку стотина лица, од кои поголемиот број полицајци, ја покрена Партијата за демократска акција (СДА).
Протестите против корупцијата и затворањето на претпријатијата се проширија низ цела Босна и Херцеговина. Демонстрантите запалија владини згради во поголемите градови на земјата, вклучително и Претседателството во Сараево. Помали протести и натаму продолжуваат.