Украина е подготвена да и плати на „Газпром“ по 268 долари за 1.000 кубни метри гас со што би можела побрзо да го анулира долгот од 2,2 милијарди долари кон руската државна компанија, изјави денеска украинскиот премиер Арсениј Јацењук.
Тој наведе и дека украинската Влада и државната компанија „Нафтогаз“ почнале процедура пред арбитражниот суд во Стокхолм за високата цена на гасот и оти руската страна има рок од 30 денови да одговори на предлогот на Киев.
– Ако до 30 дена не се постигне договор… ние ќе се обратиме кон тој Суд за да го реши спорот со рускиот монопол на гас, посочи Јацењук.
„Газпром“ одби да го коментира предлогот на Киев за брзо анулирање на долгот со цена од 268 долари за 1.000 кубни метри гас.