Виталиј Кличко беше назначен за кандидат за градоначалник на Киев на изборите, што ќе се одржат на 25 мај во исто време со претседателските
Кандидатурата на лидерот на партијата УДАР беше одобрена на партиска конференција на градската организација.
Пред делегатите Кличко изјави дека ако биде избран, ќе се фокусира врз борбата против корупцијата и со решавањето на буџетските проблеми на украинската престолнина, вклучувајќи привлекување инвестиции.
На 29 март Кличко на конгрес на УДАР рече дека нема да се кандидира за претседател, како што претходно објави, туку ќе се бори за градоначалничко место на Киев.
Тогаш Кличко ги повика сопартијците да ја поддржат претседателската кандидатура на бизнисменот Петро Порошенко.