Власта на самопрогласената народна република Доњецк оценува дека најдобар излез од настанатата ситуација во источна Украина е потпишување на привремен уставен договор за ингеренции на регионот.
Во соопштението се наведува дека анкетите покажуваат дека населението на Доњецк сакаат да бидат независен дел од неделива и политички стабилна земја и бараат Киев да попушти.
– Дијалогот го отежнува фактот дека реформата на самоуправата е невозможна без промени на Уставот на Украина, а тоа е долготраен процес. Најдобро решение би било потпишување на привремен уставен договор со кој би биле опфатени ингеренциите на регионите, начинот на избор на гувернери и статусот на рускиот јазик, се посочува во соопштението на доњецката администрација.