Киев тврди дека е подготвен да ги сослуша барањата на регионите во земјата, јави ИТАР-ТАСС.
– Украинските власти се подготвени да ги сослушаат сите законски политички барања на Украинците во источниот и западниот дел на земјата и да им излезат во пресрет, се наведува во соопштението на Министерскиот совет на Украина, објавено денеска на сајтот на Владата.
Киев повикува исто така да се спроведе Женевската спогодба од 17 април, склучена меѓу Украина, Русија, САД и Европската унија.
– Парламентарната коалиција се обрати кон сите политички сили со повик да го потпишат Меморандумот за взаемно разбирање за решавање на состојбата во источна Украина, се вели во документот.