Украинското Министерство за одбрана демантира дека милицијата во Доњецк одбива да учествува во специјални операции против приврзаниците на федерализацијата.
– Таквата информација е резултат на недоразбирање од прес-конференцијата во Киев на шефот на главниот команден центар на Вооружените сили на Украина и може да се смета само како коментар, се наведува во соопштението од украинското МО.
Претходно, украинските медиуми објавија дека милицијата во Доњецк одбиваат да соработуваат со украинската армија и да учествуваат во специјалната операција против приврзаниците на федерализацијата.
– Не чувствуваме соработка од страна на милицијата во Доњецката Област. Не сум овластен да коментирам, но факт е: не ни помагаат, кога нашите луѓе се наоѓаат во определени региони, изјави шефот на командниот центар на Вооружените сили на Украина, генерал-мајорт Олександар Розмазнин.
На почетокот од април шефовите на специјалното одделение „Алфа“ одбија да ја извршат наредбата на киевските власти за напад врз административните згради во Доњецк.
– Ние ќе работиме само во рамките на законот. Нашето одделение е формирано за ослободување на заложници и борба со тероризмот, изјави еден од шефовите на „Алфа“.