Поранешната украинска премиерка и лидер на владејачката партија Татковина (Баткившчина), Јулија Тимошенко ја откажа планираната посета на САД, затоа што, како што јави ИТАР-ТАСС, ниту еден американски конгресмен не изразил подготвеност да се сретне со неа.
Заминувањето на Тимошенко за Вашингтон било планирано за 23 април.
Покрај тоа што ниту еден конгресмен не сакал да се сретне со Тимошенко, тие дури во контакти со неа или со нејзините соработници сугерирале дека таа не треба да се кандидира за претседател на Украина на изборите закажани за 25 мај.
Тимошенко минатата недела побара воена помош од САД за Украина, нагласувајќи дека на нејзината земја и е потреба помош како во воена техника и опрема, така и во обука на војниците.