На контролен пункт кој го поставиле проруските бунтовници на истокот од Украина дошло до престрелка во која загинало едно лице додека останатите се хоспитализиани поради рани здобиени од огнено оружје, соопштија украинските и руските власти.
Ова е прв вооружен судир од меѓународниот договор кој е потпишан минатата недела во Женева, како би се смалиле тензиите на истокот од Украина каде проруските бунтовници ги зазедоа владините згради во најмалку 10 градови.
Украинското министерство за внатрешни работи соопшти дека едно лице загинало, а три се повредени во престрелка денеска во близина на градот Словајнск. Засега не се познати детали за овој инцидент.