Шефот на набљудувачката мисија на ОБСЕ за истокот на Украина Клаус Циликенс изјави оти нема никакви докази за присуство на руски војници во Украина, вклучувајќи го и регионот Доњецк.
Според него, медиумските извештаи за жртвите во судирите во источниот украински регион Доњецк често не можат да бидат потврдени.
– Нашето искуство од изминатите четири седмици покажа дека во тие гласини или некој пат медиумски извештаи, има претерувања за жртвите и на крајот се покажува дека станува збор за помали бројки- рече Циликенс.
На прашањето да ги искоментира извештаите за тројца убиени во Мариупољ, тој рече оти е потврдена една жртва.
Тој повтори дека мисијата на ОБСЕ во Украина нема информации за точниот број на жртви во судирите во Украина.