Поради наводна кражба на гласови, на избор за мис во Скарборо, Англија, се степале публиката, обезбедувањето и учесничките.
Изборот за мис на Скарборо наместо со победничката прошетка на избраната убавица по пистата, завршил со масовна тепачка.
Откако Џесика Гејл(18) била прогласена за победничката, петнаесетина фанови на втора учесничка почнале да викаат дека изборот е наместен и дека требала да победи Шенон Колинс, која не се пласирала ниту во првите пет.
Набргу почнало туркање помеѓу завојуваните табори, се вмешало обезбедувањето, а потоа и некои од учесничките.
Според пишувањето на Дејли мејл, настанала општа тепачка.
– За 26 години колку го организираме изборот за мис, никогаш не се случил ваков скандал – изјавила организаторката на изборот за мис на Англија Енџи Бизли.