Со новиот украински устав ќе биде воведена поголема децентрализација на власта во земјата и ќе им се овозможи на регионите да го користат рускиот јазик како официјален, најавија денеска времениот претседател и премиерот на Украина, Олександар Турчинов и Арсениј Јацењуј во задничко телевизиско обраќање до нацијата.
Тие најавија обемна уставна рефома со што ќе им се дадат многу поголеми надлежности на регионите, како и дека рускиот јазик ќе добие посебен статсу, што се едни од клучните барање на сепаратистичките проруски активисти во источниот дел на Украина.
Според Турчинов и Јацењук, целта на ваквиот потег е намалување на тензиите во земјата, зачувување на националното единство и спречување на насилството.
Заедничкото обраќање на Турчинов и Јацењук следи еден по усвојувањето на договорот во Женева за смирување на состојбата во земјата, постигнат на вчерашната средба меѓу шефовите на дипломатиите на Украина, Русија, ЕУ и САД.
Турчинов најави и подготвеност за измени во законите за буџет и даноци, со цел да обезбедат повеќе загарантирани средства за регионите.