Украинската Служба за безбедност денеска објави потерница по синот на поранешниот претседател Виктор Јанукович, Александр, објавено е на сајтот на украинското МВР.
Александр Јанукович се сомничи за „кривотворење и фалсификување документи и издавање лажни документи“, обвиненија кои носат затворска казна во траење од две до пет години.
Украинската Служба за безбедност додава дека судот издал налог за приведување на осомничениот Јанукович помладиот. Пред два месеци украинските власти распишаа потерница и по постариот Јанукович, кој сега се наоѓа во Русија.