Владиниот тим, предводен од премиерот Никола Груевски присуствуваше на конвенцијата на Републиканците во Тампа, Флорида.
Со ова започна посетата на САД, и презентацијата на можностите за инвестирање во Македонија. На конвенцијата на Републиканската партија каде што имаа многубројни контакти со политичари и бизнисмени.
„Задоволни сме што интересот за Република Македонија е голем, имајќи го предвид тоа што го слушаат инвеститорите за нашата држава, како ниските даноци, најатрактивниот даночен пакет во Европа, одржливата макроекономска политика“, изјави вицепремиерот и министер за финансии Зоран Ставрески.
Како што е најавено, македонската владина делегација ќе посети и неколку други градови во САД за да ги претстави поволностите за инвестирање во Македонија, а треба да присуствува и на конвенцијата на Демократската партија.