Со спреј во очите ја ослепиле и и ги украле парите. Кавадарчаните Т.П. М.Н. и Д.Д. извршиле разбојништво врз неготинка при што и одзеле 200.000 денари.
Според сознанија на МВР, разбојништвото се случило кога жената излегла од кладилницата во која работела и тргнала да си оди кон својот дом во Неготино. Маскираните разбојници ја испрскале со спреј по очите и и ги одзеле парите. Сепак таа го забележала бројот на регистарската табличка од нивното возило и го кажала во неготинската полиција кога го пријавила случајот, по што биле фатени.
Станува збор за лица кои и претходно и биле познати на полицијата по сторени кривични дела. По извршениот претрес во нивните домови се приведени во полиција и им е одредена мерка притвор.