МВР информира дека вчера попладне во 14:26 часот на ул. „15 Корпус“ во Охрид, полициски службеници го лишија од слобода Б.П.(44) од Охрид.
Тој, претходно бил учесник во сообраќајна незгода помеѓу моторно возило „фолксваген голф“ со охридски регистарски ознаки кое го управувал и автомобил „опел“ со охридски регистарски ознаки, управуван од Б.В.(67) од охридското село Лескоец.
При извршено алкотестирање, полициските службеници кај Б.П. констатирале 3,05 промили алкохол во крвта, по што веднаш го исклучиле од сообраќај.
По наредба на јавен обвинител, возилото е одземено и по документирање на настанот против Б.П. ќе биде поднесена соодветна пријава.
